Նախորդ էջ

ԱԶԱՏ  ՄԱԹՅԱՆ

Կենսագրական

Գրքեր

Քանդակներ

ԶՈՐԱԿՈՉ

 

 

 

Հայե՛ր,

Հասկանում եք, գիտե՛մ,

Որ պատմությունը գրվում է այսօր, հիմա,

Հենց  մեր`  ի՛մ, քո՛, նրա աչքերի առջև:

 

Տեսնում եք, գիտե՛մ,

Որ աշխարհում նորից կռիվ է,

Հզորները կրկին ելել են,

Որ աշխարհը իրենց մեջ կիսեն-կիսկսեն:

 

Մտահոգվում եք, գիտե՛մ,

-Ի՞նչ է լինելու մեր բաժինը,

Ո՞րն է լինելու մեր ապագան-:

 

Դողում եք

Անցյալ բոլոր պատերազմներից մեզ մնացած

Փոքրիկ հայրենիքի,

Նրա սահմանները պահող յուրաքանչյուր

Երիտասարդ կյանքի վրա:

 

Եվ, զգում եք, գիտե՛մ,

Որ մտահոգվելը բավական չէ,

Խրիմյանի շերեփն ու հարիսայի կաթսան վկա…

 

Հիշե՛ք,

Այնտեղ է մեր հարցերի պատասխանը,

Թիկունք կանգնեք

Հայկական պետությանն ու

Հայոց բանակին:

 

Սա համազգային զորակոչ է:

Կամավոր գրվենք.

Չպարծենանք, որ մեր տվածը շատ է,

Չխեղճանանք, որ մեր տվածը քիչ է,

Եվ մանավանդ,  չմտածենք, որ մեր` քիչը ոչինչ է։

 

Ազատ Մաթյան

(Սեպտեմբեր 29, 2020)

 

 © 2020  azadmatian.com

Բոլոր իրավունքները պաշտպանված են: Մեջբերումներ անելիս հղումը կայքին պարտադիր է: